ხალხური თამაშები

გადაძალვა

საწყისი მდგომარეობა: ორი მონაწილე სხედან ლეიბებზე (ორი ლეიბი) ფეხები მიბჯენილი აქვთ ერთმანეთზე, ფეხებშუა ჩადებულ ფიცარზე. ხელებით ერთდროულად იჭერენ 60-70 სმ-იან ხის ღეროს. მსაჯის შეძახილზე - “დაიწყე ! ” მონაწილენი ცდილობენ ძალით გადმოძალონ თავისკენ მოწინააღმდეგე, გამარჯვებულად ცხადდება ის მონაწილე, რომელიც გადმოძალავს, ან ღეროს გამოსტაცებს.

წესები :

ა). მონაწილეებს უნდა ეცვათ სპორტული ფორმა.

ბ). არ შეიძლება მსაჯის ნიშნამდე ვარჯიშის დაწყება.

გ). წესის დარღვევის შემთხვევაში მონაწილეს ეძლევა ერთჯერადი გაფრთხილება, წესის მეორედ დარღვევის შემთხვევაში - ეთვლება წაგება.

წრიდან გაყვანა

საწყისი მდგომარეობა: მონაწილეები (ორი ვაჟი) დგანან წრეში, დგომი ცალ ფეხზე, ხელები ზურგის უკან გადაჭდომილი, მხრებით ერთმანეთს ებჟინებიან. მსაჯის შეძახილზე - “დაიწყე ! ” მონაწილენი ცდილობენ მხრის დარტყმით ან ბიძგით გამოიყვანონ ერთმანეთი წონასწორობიდან.

წესები :

ა). თუ რომელიმე მონაწილეს უკან ხელები გაეხსნა, თამაში წყდება და მოგება ჩაეთვლება მოწინააღმდეგეს.

ბ).თუ მონაწილე მეორე ფეხით შეეხო იატაკს- თამაში წყდება.

გ). თუ ერთმა მეორე გაიყვანა წრიდან, ამ შემთხვევაშიც წყდება თამაში და გამარჯვებულად გამოცხადდება მოწინააღმდეგე.